جامعہ تحفیظ القرآن کی بنیاد1985میں گول  مارکیٹ ناظم آبادنمبر3 میں  رکھی گئی، یہ ایک غیر سیاسی اور غیر منافع بخش/ غیر کاروباری ادارہ ہے جو کہ خالص دینی تعلیم کے واسطے بنایا گیا، ابتداء میں یہ ادارہ ایک رجسٹرڈ ٹرسٹ کے تحت چلتا رہا، جہاں حفظ و ناظرہ کی تعلیم کا آغاز کیا گیا،شہری و مقامی طلباء کے ساتھ ساتھ دوسرے شہروں سے طلباء بھی یہاں تعلیم حاصل کرنے آتے رہے،وقت کے ساتھ ساتھ مدرسہ نے اپنے مقاصد کی جانب سفر کو جاری رکھتے ہوئے  درس نظامی کی تعلیم اور جدید عصری علوم ( اسکولنگ) کا بھی آغاز کر دیا اور مدرسہ کو باقاعدہ وفاق المدارس العربیہ پاکستان سے ملحق کر دیا گیا ، نیز2014میں  الحمدللہ تحفیظ ماڈل اسکول کاباقاعدہ  الحاق سندھ بورڈ آف ایجوکیشن سے عمل میں آیا تب سے لیکر اب تک ہر سال ہمارے طلباء اپنی محنت ولگن سے ایک نمایاں مقام بنانے میں  کوشاں ہیں
ہمارا تعلیمی معیار گزرتے وقت کے ساتھ ساتھ نہایت بہتری کی جانب گا مزن ہے ہمارا ادارہ طلباء کرام کو ہر قسم کی غیر تعلیمی / فضول مصروفیات سے بچا کر خالص تعمیری و تعلیمی مصروفیات میں لگائے رکھنے کے لیئے ہر ممکن کو شش میں جٹا ہوا ہے اور طلباء کرام کی تعلیم و تربیت کے لیے جس بھی چیز کی ضرورت ہو اسکی فراہمی کو ممکن بنانے میں لگا رہتا ہے ادارہ کا اپنا کوئی ذاتی کاروبار نہیں ہے بلکہ مقامی و غیر مقامی مخیر اور صاحب خیر افراد کے مالی تعاون سے ادارہ کے جملہ اخراجات پورے کئے جاتے ہیں