سوال: کیا فرماتے ہیں علمائے کرام اس مسئلہ کے بارے میں کہ آج کل بعض گھروں کی تعمیر سڑک کی سطح سے تقریباً ڈھائی یا تین فٹ بلند ہوتی ہے، جس کی وجہ سے گھر کے اندر گاڑی کھڑی کرنے کے لیے گھر کے سامنے سڑک کی جانب ایک ریمپ بنانا پڑتا ہے۔

اگر کوئی شخص اپنے گھر میں گاڑی داخل کرنے اور باہر نکالنے کے لیے ایسا ریمپ بنائے جو تقریباً چار فٹ تک عام سڑک کی جگہ میں آجائے، اور گاڑی کبھی گھر کے اندر اور کبھی باہر کھڑی کی جاتی ہو، تو کیا اس طرح سڑک کی کچھ جگہ ریمپ کی صورت میں استعمال کرنا شرعاً جائز ہے؟
اگر مذکورہ ریمپ کی وجہ سے عام گزرگاہ کی چوڑائی کم ہوتی ہو یا راہ گیروں اور گاڑیوں کے گزرنے میں دشواری یا رکاوٹ پیدا ہوتی ہو تو اس کا کیا حکم ہے؟ اور اگر سڑک کشادہ ہو اور کسی کو اس سے ضرر نہ پہنچتا ہو تو کیا اس صورت میں اس ریمپ کا بنانا اور استعمال کرنا جائز ہوگا؟