الجواب وباللہ التوفیق: مذکورہ صورت میں منسلکہ لیٹر کی رو سے سائل کی بھانجی پرتینوں طلاقیں واقع ہوکر دونوں کا نکاح ٹوٹ چکا ہے، اور دونوں کے درمیان حرمتِ مغلظہ قائم ہوچکی ہے، اب رجوع بھی جائز نہیں ہے اور دوبارہ نکاح کر کے ساتھ رہنا بھی جائز نہیں ہے، عدت (تین ماہواری بشرطیکہ حمل نہ ہو) گزارنے کے بعد خاتون کسی بھی دوسری جگہ نکاح کرنے میں آزاد ہو گی۔
اگرمذکورہ عورت عدت گزارنے کے بعدکسی دوسرے شخص سے نکاح کرلے، پھر اس دوسرے شوہر سے ازدواجی تعلق قائم ہونے کے بعد اس دوسرے شوہر کا انتقال ہوجائے یا وہ طلاق دے دے تو پھر اس دوسرے شوہر کی عدت گزارنے کے بعد مذکورہ عورت کا سابقہ شوہر کے ساتھ نکاح کرنا جائز ہوگا۔
فتاوی عالمکیریه (1/473):
وان کان الطلاق ثلاثا فی الحرۃو ثنتین فی الامۃ لم تحل له حتی تنکح زوجا غیرہ نکاحا صحیحا